സുധീരന്‍ രംഗത്ത്. സംസ്ഥാന സര്‍ക്കാരിനു വേണ്ടിയാണ് അഡ്വക്കേറ്റ് ജനറല്‍ പ്രവര്‍ത്തിക്കേണ്ടത്

സി. എം. സുധീരന്‍ രംഗത്ത്. ജിയെ കോടതി വിമര്‍ശിച്ചതില്‍ തെറ്റില്ല. എം. സുധീരന്‍ പറഞ്ഞു. അഡ്വക്കേറ്റ് ജനറല്‍ കെ പി ദണ്ഡപാണിയുടെ ഓഫീസ് സര്‍ക്കാരിനു വേണ്ടി ഹാജരാകുന്ന പല കേസുകളിലും തോറ്റു കൊടുക്കുന്നതായും അദ്ദേഹത്തിന്റെ ഭാര്യ സുമതി ദണ്ഡപാണിയും മകനും ഉള്‍പ്പെടുന്ന ദണ്ഡപാണി അസോസിയേറ്റ്‌സ് എതിര്‍കക്ഷികള്‍ക്കു വേണ്ടി ഹാജരാകുന്നതുമൂലം മനപ്പൂര്‍വം തോറ്റുകൊടുക്കുന്നതാണെന്നും വ്യാപകമായ ആരോപണമുണ്ടായിരുന്നു. എന്നാല്‍ മുഖ്യമന്ത്രി ഉമ്മന്‍ചാണ്ടി അഡ്വക്കേറ്റ് ജനറലിനെ ന്യായീകരിക്കുകയാണ് ചെയ്തിരുന്നത്. അഡ്വക്കേറ്റ് ജനറല്‍ സര്‍ക്കാര്‍ കേസുകളില്‍ ആത്മാര്‍ത്ഥമായാണ് ഇടപെടുന്നതെന്നായിരുന്നു അദ്ദേഹത്തിന്റെ ന്യായീകരണം. എന്നാല്‍ സംസ്ഥാനത്തെ നിയമവിദഗ്ധര്‍ ഇക്കാര്യത്തില്‍ രണ്ടു തട്ടില്‍നിന്നുള്ള അഭിപ്രായപ്രകടനങ്ങളും ചര്‍ച്ചകളും നടത്തിവന്നു. ഇതിനിടെ ഹൈക്കോടതി ജസ്റ്റിസ് അലക്‌സാണ്ടര്‍ തോമസും അഡ്വക്കേറ്റ് ജനറലിനെതിരായ നിലപാടെടുത്തത് ഏറെ വിവാദമുയര്‍ത്തി. എജിയുടെ ഓഫീസിലുള്ള അഭിഭാഷകര്‍ ഗൃഹപാഠം ചെയ്യാതെ കോടതിയിലെത്തുന്നതായും ആവശ്യമായ രേഖകള്‍ സമയത്തു ഹാജരാക്കാന്‍ താത്പര്യം കാട്ടുന്നില്ലെന്നും അദ്ദേഹം രൂക്ഷമായി വിമര്‍ശിച്ചിരുന്നു. ഒരു സംസ്ഥാനത്തിന്റെ നയത്തിന് വിരുദ്ധമായി ബാറുടമകള്‍ക്ക് വേണ്ടി ഹാജരായ അറ്റോര്‍ണി ജനറലിന് ആ സ്ഥാനത്തു തുടരാന്‍ അര്‍ഹതയില്ലെന്ന് സുധീരന്‍ പറഞ്ഞു. അറ്റോര്‍ണി ജനറല്‍ ഹാജരായതിന് ഒരു നീതികരണവുമില്ല. അദ്ദേഹം ബാറുടമകള്‍ക്കുവേണ്ടി ഹാജരായി എന്നു പറഞ്ഞാല്‍ ആ സ്ഥാനത്തെ അദ്ദേഹം എത്രമാത്രം ചെറുതാക്കി കാണുകയാണ് എന്നത് വ്യക്തമാണെന്നും കൊച്ചിയില്‍ ലോയേഴ്‌സ് കോണ്‍ഗ്രസ് സംഘടിപ്പിച്ച പരിപാടിയില്‍ സംസാരിക്കവെ സുധീരന്‍ പറഞ്ഞു. ജസ്റ്റിസ് അലക്‌സാണ്ടര്‍ തോമസ് മുഖ്യമന്ത്രിയെ വിമര്‍ശിച്ചത് ശരിയായില്ലെന്നും സുധീരന്‍ പറഞ്ഞു. ന്യായാധിപര്‍ കേസുമായി ബന്ധമുള്ള കാര്യങ്ങളില്‍മാത്രം പരാമര്‍ശം നടത്തണം. ഭരണഘടനാ സ്ഥാനത്തിരിക്കുന്നവര്‍ അതിന്റെ മഹത്വം തിരിച്ചറിയണമെന്നും സുധീരന്‍ പറഞ്ഞു. കേസിന്റെ പരിഗണനയില്‍ ഇല്ലാത്ത വിഷയങ്ങളില്‍ ജഡ്ജിമാര്‍ അഭിപ്രായം പറയുന്നത് തെറ്റാണ്. സുപ്രീംകോടതി ജഡ്ജിമാരെ പോലെ തന്നെ പ്രധാനപ്പെട്ടതാണ് അറ്റോര്‍ണി ജനറലും ഹൈക്കോടതിയിലെ അഡ്വക്കേറ്റ് ജനറലും. ഭരണഘടനാ സ്ഥാപനങ്ങള്‍ക്ക് നേരെ ഉയരുന്ന വിമര്‍ശനങ്ങള്‍ അവര്‍ തന്നെ സ്വയം പരിശോധിക്കുകയും തിരുത്തുകയും വേണം.