ഒന്നാംഘട്ട നിര്‍മാണ പുരോഗതി വിലയിരുത്തി.

പദ്ധതി പ്രദേശത്തെ വൈദ്യുതി ബോര്‍ഡിന്റെ ചില എടുപ്പുകളും മറ്റും മാറ്റുന്നതു സംബന്ധിച്ച ചര്‍ച്ചയില്‍ പദ്ധതി പ്രദേശത്തുകൂടിയുളള 220 കെ.വി ലൈന്‍ ഉള്‍പ്പെടെയുളള കാര്യങ്ങളില്‍ വൈദ്യുതി ബോര്‍ഡ് ചെയര്‍മാന്റെ സാന്നിധ്യത്തില്‍ യോഗം വിളിക്കാമെന്നു ചീഫ് സെക്രട്ടറി നിര്‍ദ്ദേശിച്ചു.

സ്മാര്‍ട് സിറ്റിക്കു നല്കിയ ഭൂമിയിലെ ചില കൈയ്യേറ്റങ്ങള്‍ സംബന്ധിച്ചായിരുന്നു റവന്യൂ വകുപ്പുമായുളള ചര്‍ച്ച. സ്വകാര്യ വ്യക്തികള്‍ക്കു പുറമെ സര്‍ക്കാര്‍ സ്ഥാപനങ്ങളും ഇവിടെ ഭൂമി കൈയ്യേറിയിട്ടുണ്ടെന്നാണ് സ്മാര്‍ട് സിറ്റിയുടെ പരാതി. ഇക്കാര്യം നേരത്തെ തന്നെ അറിയിച്ചിരുന്നതാണെന്നും അവര്‍ പറഞ്ഞു. ടി സെക്രട്ടറി എടുത്തത്. ഇത്തരത്തില്‍ അംഗന്‍വാടി ഉള്‍പ്പെടെയുളള ചില കൈയ്യേറ്റങ്ങള്‍ പ്രദേശത്തുണ്ടായതായി സ്മാര്‍ട് സിറ്റി അധികൃതര്‍ ചൂണ്ടിക്കാട്ടി. കൈയ്യേറ്റം അവസാനിപ്പിക്കാന്‍ അടിയന്തര നടപടി സ്വീകരിക്കാന്‍ ചീഫ് സെക്രട്ടറി ജില്ല കളക്ടര്‍ക്കു നിര്‍ദ്ദേശം നല്കി. കടമ്പ്രയാര്‍ പുഴയില്‍ ആഴം കൂട്ടുന്നതിനിടയില്‍ ലഭിക്കുന്ന ചെളിയും മറ്റും സ്മാര്‍ട് സിറ്റി പ്രദേശത്തോടു ചേര്‍ന്ന് നിക്ഷേപിക്കരുതെന്ന് ഇറിഗേഷന്‍ വകുപ്പിനു നിര്‍ദ്ദേശം നല്കി. ചെളികൂടിക്കിടന്ന് തിട്ടയായി പൊതുറോഡായി രൂപപ്പെടാന്‍ സാധ്യതയുണ്ടെന്ന് കണക്കാക്കിയാണിത്.

പാട്ടത്തിനു നല്കിയ ഭൂമിയുടെ വാര്‍ഷിക ഫീസ് ഈടാക്കുന്ന കാര്യത്തില്‍ റവന്യൂ വകുപ്പിന് ആശയക്കുഴപ്പത്തിന്റെ ആവശ്യമില്ലെന്ന് ചീഫ് സെക്രട്ടറി വിശദീകരിച്ചു. റവന്യൂ സംബന്ധമായ കാര്യങ്ങളില്‍ കളക്ടര്‍തലത്തില്‍ തന്നെ പരിഹാരം കാണണമെന്നും അദ്ദേഹം നിര്‍ദ്ദേശിച്ചു.

സ്മാര്‍ട്‌സിറ്റി നിര്‍മാണ പുരോഗതി സംബന്ധിച്ച് എല്ലാ ആഴ്ചയും അവലോകനം നടത്തി റിപ്പോര്‍ട്ട് ചെയ്യാന്‍ ചീഫ് സെക്രട്ടറി ജില്ല കളക്ടര്‍ക്കു നിര്‍ദ്ദേശം നല്‍കിയിട്ടുണ്ട്. രണ്ടാഴ്ചയ്ക്കു ശേഷം താന്‍ വീണ്ടും അവലോകനത്തിനായി എത്തുമെന്നും ജിജി തോംസണ്‍ പറഞ്ഞു. ഒ ഋഷികേശ്, ബന്ധപ്പെട്ട വകുപ്പ് പ്രതിനിധികള്‍ തുടങ്ങിയവരും അവലോകന യോഗത്തില്‍ പങ്കെടുത്തു.