പാമ്പാക്കുട: ജില്ല ഭരണകൂടത്തിന്റെ നേതൃത്വത്തില്‍ നടപ്പാക്കുന്ന ആരോഗ്യ സാമൂഹ്യ സുരക്ഷ അദാലത്ത്-സാന്ത്വനം പദ്ധതിക്ക് ജില്ലയില്‍ തുടക്കം. പാമ്പാക്കുട ബ്ലോക്ക് പഞ്ചായത്തില്‍ ഭക്ഷ്യമന്ത്രി അനൂപ് ജേക്കബ് പദ്ധതി ഉദ്ഘാടനം ചെയ്തു.
അവശതയനുഭവിക്കുന്നവര്‍ക്കും നിരാശ്രരയാവര്‍ക്കുമുള്ള അദാലത്തില്‍ ലഭിക്കുന്ന പരാതികളുടെ അടിസ്ഥാനത്തില്‍ അര്‍ഹരായവര്‍ക്ക് തുടര്‍ ചികിത്സയ്ക്കുള്ള നടപടികള്‍ സ്വീകരിക്കുമെന്ന് മന്ത്രി പറഞ്ഞു. എല്ലാ വിഷയങ്ങളും പരിഹരിക്കാന്‍ കഴിയില്ലെങ്കിലും പരിഹരിക്കപ്പെടാന്‍ കഴിയുന്ന വിഷയങ്ങള്‍ക്ക് ഉടന്‍ പരിഹാരം കാണുകയാണ് ലക്ഷ്യം. ജനങ്ങളിലേക്കിറങ്ങിച്ചെല്ലുകയാണ് സര്‍ക്കാരിന്റെ ലക്ഷ്യം. സര്‍ക്കാരിന്റെ നയപരമായ തീരുമാനം കൂടിയാണത്. ജനസമ്പര്‍ക്ക പരിപാടിയിലൂടെ മുഖ്യമന്ത്രി ഉമ്മന്‍ ചാണ്ടി മുന്നോട്ടുവെക്കുന്ന ആശയവും ഇതുതന്നെ. ഇതേ മാതൃകയില്‍ ബ്ലോക്ക്, പഞ്ചായത്ത് തലങ്ങളില്‍ ജനങ്ങളുടെ പ്രശ്‌നങ്ങള്‍ക്ക് പരിഹാരം കാണാനുള്ള ശ്രമമാണ് സാന്ത്വനം പദ്ധതി. ആവശ്യങ്ങള്‍ പരിഹരിക്കപ്പെടുക എന്നതും സേവനം ലഭ്യമാക്കുക എന്നതും ജനങ്ങളുടെ അവകാശമാണെന്നും മന്ത്രി പറഞ്ഞു.
എല്‍ കാര്‍ഡ് ആക്കി മാറ്റി നല്‍കാന്‍ അദാലത്തില്‍ തീരുമാനമായി. മറ്റ് അപേക്ഷകള്‍ തീര്‍പ്പാക്കുന്നതിനായി ബന്ധപ്പെട്ട വകുപ്പുകള്‍ക്ക് കൈമാറിയിട്ടുണ്ട്.
വായനക്കാർക്കായി / Recommended for You
അപകടത്തിൽപ്പെട്ട യുവാവിന് രക്ഷകനായി വി ഡി സതീശൻ; പൈലറ്റ് വാഹനത്തിൽ ആശുപത്രിയിലെത്തിച്ചു
കാലിഫോർണിയയിൽ കൊല്ലപ്പെട്ട മലയാളി യുവതികളുടെ മൃതദേഹങ്ങൾ 21ന് നാട്ടിലെത്തിക്കും