ഫാനിന്റെ പേരില്‍ വഴക്ക്, 90%മാര്‍ക്കോടെ പത്ത് പാസായ പെണ്‍കുട്ടി 12 ാം നിലയില്‍ നിന്ന് ചാടി മരിച്ചു

ചെന്നൈ: റൂമിലെ ഫാനിന്റെ സ്പീഡിനെ ചൊല്ലിയുള്ള തർക്കത്തെ തുടർന്ന് പത്താം ക്ലാസുകാരി കെട്ടിടത്തിൽ നിന്നും ചാടി ആത്മഹത്യ ചെയ്തു. പുരസവാക്കത്തെ പന്ത്രണ്ട് നിലയുള്ള ഫ്‌ളാറ്റിൽ താമസിക്കുന്ന എ റുഹീയാണ് (15) മരിച്ചത്. 12 നില കെട്ടിടത്തിന്റെ മുകളിൽ നിന്നും ചാടിയാണ് കുട്ടി ആത്മഹത്യ ചെയ്തത്. പരാതിയുമായി അമ്മയുടെ അടുത്തെത്തിയ റുഹീയോട് അടുത്ത മുറിയിലേക്ക് പോകാൻ അമ്മ പറഞ്ഞു. എന്നാൽ മുറിയിലേക്ക് പോകാതിരുന്ന റൂഹി ബന്ധുക്കളുമായി വീണ്ടും വഴക്കടിച്ചു. തുടർന്ന് ഫ്‌ളാറ്റിന്റെ ടെറസിലെത്തിയ റൂഹി താഴേക്ക് ചാടുകയായിരുന്നു. 90 ശതമാനം മാർക്കോടെ പത്താം ക്ലാസ് വിജയിച്ച വിദ്യാർഥിനിയാണ് റൂഹി.