തെഹ്‌റാന്‍: ആണവായുധ വ്യാപനനിരോധന ഉടമ്പടിയുടെ (എന്‍ പി ടി) അംഗരാജ്യമല്ലാത്തതുപോലെയാണ് നിലവില്‍ ഇറാന്‍ പ്രവര്‍ത്തിക്കുന്നതെന്ന് രാജ്യത്തിന്റെ ഉപ വിദേശകാര്യ മന്ത്രി കാസിം ഗരീബാബാദി വ്യക്തമാക്കി. ഐക്യരാഷ്ട്രസഭയുടെ ആണവ നിരീക്ഷണ ഏജന്‍സിയായ അന്താരാഷ്ട്ര ആണവോര്‍ജ ഏജന്‍സിയുമായുള്ള തെഹ്‌റാന്റെ ബന്ധം കൂടുതല്‍ വഷളാകുന്നതിന്റെ സൂചനയാണ് അദ്ദേഹത്തിന്റെ പ്രസ്താവന.
നിലവില്‍ അന്താരാഷ്ട്ര ആണവോര്‍ജ ഏജന്‍സിയുടെ ഒരു ഇന്‍സ്‌പെക്ടറും ഇറാനിലില്ലെന്നും ഏജന്‍സിക്ക് നിര്‍ബന്ധമായും സമര്‍പ്പിക്കേണ്ട വിവരങ്ങളും പ്രഖ്യാപനങ്ങളും ഇറാന്‍ നിര്‍ത്തിവെച്ചതായും രാജ്യത്തിനകത്തേക്കുള്ള എല്ലാ പരിശോധനാ പ്രവേശനവും താത്ക്കാലികമായി അവസാനിപ്പിച്ചതായും ഇറാന്‍ സര്‍ക്കാര്‍ ടെലിവിഷന് നല്‍കിയ അഭിമുഖത്തില്‍ ഗരീബാബാദി പറഞ്ഞു.
ഈ നിലപാട് പ്രകാരം, ആണവായുധ വ്യാപനനിരോധന ഉടമ്പടിയുടെ നിരീക്ഷണ സംവിധാനത്തിന് പുറത്താണ് ഇറാന്‍ പ്രായോഗികമായി പ്രവര്‍ത്തിക്കുന്നതെന്ന് വിലയിരുത്തപ്പെടുന്നു. എന്നിരുന്നാലും, എന്‍ പി ടിയില്‍ നിന്ന് ഔദ്യോഗികമായി പിന്മാറുന്നതായി ഇറാന്‍ ഇതുവരെ പ്രഖ്യാപിച്ചിട്ടില്ല.
വായനക്കാർക്കായി / Recommended for You
യു.എസ് ഉപരോധം പ്രാബല്യത്തിൽ: ആദ്യ ഇറാൻ വിമാന സർവീസുകൾ റദ്ദാക്കി
ഗ്രീൻലാൻഡിൽ അമേരിക്കൻ സൈനിക സാന്നിധ്യം വിപുലീകരിക്കാൻ കരാർ; ഡെൻമാർക്കുമായി ധാരണയിലെത്തി ട്രംപ്
2019 ഈസ്റ്റര്‍ സ്‌ഫോടനം: 15 പേര്‍ക്ക് ജീവപര്യന്തം തടവ്
2017ലെ ഉത്തരകൊറിയന്‍ ആണവ പരീക്ഷണത്തിന് പിന്നാലെ എട്ട് വര്‍ഷത്തിനിടെ 1,399 ഭൂചലനങ്ങള്‍
ഇറാനിലേക്ക് പാകിസ്താൻ ആഭ്യന്തരമന്ത്രി; അമേരിക്കൻ സന്ദേശമില്ലെന്ന് ടെഹ്റാൻ
ഗ്രീന്ലാന്ഡില് അമേരിക്കന്‍ സൈനിക സാന്നിധ്യം വിപുലീകരിക്കാന്‍ ധാരണ