ഏഷ്യന്‍ ഗെയിംസില്‍ ഇന്ത്യയുടെ ആദ്യ സ്വര്‍ണം വനിത ക്രിക്കറ്റില്‍. ഫൈനലില്‍ ശ്രീലങ്കയെ 147 റണ്‍സിന് തകര്‍ത്താണ് ഇന്ത്യന്‍ വനിതകള്‍ സ്വര്‍ണം നേടിയത്. സ്മൃതി മന്ദാനയുടെ അര്‍ധ സെഞ്ച്വറിയുടെ ബലത്തില്‍ 216/3 എന്ന വമ്പന്‍ ടോട്ടലാണ ഇന്ത്യ ശ്രീലങ്കയ്ക്ക് മുന്നില്‍ വെച്ചത്. എന്നാല്‍ ഇന്ത്യയുടെ കരുത്തുറ്റ ബോളിംഗിന് മുന്നില്‍ ശ്രീലങ്ക 69ന് ഓള്‍ ഔട്ടായി.
കഴിഞ്ഞ ഏഷ്യന്‍ ഗെയിംസിലെ വിന്നറായ ഇന്ത്യ ഇക്കുറിയും സ്വര്‍ണം നിലനിര്‍ത്തി. കൂറ്റനടികളുമായി ഓപ്പണര്‍മാരായ സ്മൃതി മന്ദാനയും ഷെഫാലി വര്‍മ്മയും കളം നിറഞ്ഞപ്പോള്‍ 10ാം ഓവറില്‍ ഇന്ത്യ 100 കടന്നു. മിന്നല്‍ പ്രകടനവുമായി ഫിഫ്റ്റിയടിച്ച് സ്മൃതി മന്ദാന 79 റണ്‍സെടുത്തു. 99 റണ്‍സ് ഓപ്പണിംഗ് പാര്‍ട്ണര്‍ഷിപ്പ് തീര്‍ത്ത ശേഷം 10 ഓവറിന്റെ അവസാന പന്തിലാണ് 48 റണ്‍സെടുത്ത ഓപ്പണര്‍ ഷെഫാലി വര്‍മ്മ വീണത്.
പിന്നാലെ എത്തിയ ക്യാപ്റ്റന്‍ ഹര്‍മന്‍ പ്രീത് കൗര്‍ 19 റണ്‍സെടുത്ത് മടങ്ങിയെങ്കിലും ഇന്ത്യന്‍ വനിത ക്രിക്കറ്റിന്റെ സൂപ്പര്‍ ഫിനിഷര്‍ റിച്ച ഘോഷ് 22 പന്തില്‍ 49 റണ്‍സടിച്ച് സ്‌കോര്‍ 200 കടത്തി. ഏഷ്യ കപ്പിലും ഇന്ത്യന്‍ വനിതകള്‍ ഫൈനലില്‍ തറപറ്റിച്ചത് ശ്രീലങ്കയെ ആയിരുന്നു. സമാനമായാണ് ഏഷ്യന്‍ ഗെയിംസിലും പാകിസ്ഥാനേയും ബംഗ്ലാദേശിനേയുമെല്ലാം തറപറ്റിച്ച് ഇന്ത്യയും ശ്രീലങ്കയും ഫൈനലിലെത്തിയത്.
വായനക്കാർക്കായി / Recommended for You
'ഗ്യാനേഷ് കുമാര്‍ ദേശദ്രോഹി, രാജിവെക്കണം; വോട്ടിന് പിന്നാലെ നിയമവും കവര്‍ന്നു; ജനാധിപത്യം തകരുന്നത് നോക്കിനില്‍ക്കില്ല': രാഹുൽ ഗാന്ധി
സൂപ്പർ ലീഗ് കേരള സീസൺ 3 ടിക്കറ്റ് വിൽപ്പനയ്ക്ക് തുടക്കമായി; ഉദ്ഘാടനം മുഖ്യമന്ത്രി നിർവഹിച്ചു
റയല്‍ റെഡിയല്ലേ, ചാമ്പ്യൻസ് ലീഗും തൂക്കും? യൂറോപ്പ് കത്തിക്കാൻ ഫ്ലിക്കിന്റെ ബാഴ്സ
ഇന്ത്യക്ക് വേണ്ടി ഏകദിനങ്ങളില്‍ ഇനി റിഷഭ് പന്തിനെ കാണാനാവില്ല'; താരത്തെ കുറിച്ച് മുന്‍ ഇന്ത്യന്‍ താരം ആകാശ് ചോപ്ര
പാരീസ് 2026 ക്വാളിഫയറിൽ വിനേഷ് ഫോഗട്ട് സ്വർണം നേടി