മദ്യനയത്തില്‍ വിവേചനമുണ്ടായിട്ടുങ്കെില്‍ പരിശോധിക്കും

ന്യൂഡല്‍ഹി : സംസ്ഥാന സര്‍ക്കാരിന്റെ മദ്യനയത്തില്‍ വിവേചനമുണ്ടായിട്ടുങ്കെില്‍ പരിശോധിക്കുമെന്ന് സുപ്രീംകോടതി. ഫൈവ് സ്റ്റാര്‍ ബാറുകള്‍ക്ക് ലൈസന്‍സ് നല്‍കുകയും ഫോര്‍ സ്റ്റാറുകള്‍ക്ക് നല്‍കാതിരിക്കുകയും ചെയ്തത് വിവേചനമാണെന്നും ബാറുടമകള്‍ക്ക് വേണ്ടി ഹാജരായ അഭിഭാഷകന്‍ വാദിച്ചു. അതേസമയം ബാറുടമകള്‍ക്ക് വേണ്ടി അറ്റോര്‍ണി ജനറല്‍ ഹാജരാകുന്നത് തടയണമെന്ന് സുപ്രീംകോടതിയില്‍ ആവശ്യപ്പെട്ടു. കേസില്‍ കക്ഷിചേര്‍ന്നിട്ടുള്ള ടി എന്‍ പ്രതാപന്‍ എംഎല്‍എയുടെ അഭിഭാഷകനാണ് ഈ കാര്യം ആവശ്യപ്പെട്ടത്. എന്നാല്‍ അറ്റോര്‍ണി ജനറല്‍ കോടതിയില്‍ ഇല്ലാത്തപ്പോള്‍ ഇക്കാര്യം ആവശ്യപ്പെടരുതെന്ന് കോടതി പറഞ്ഞു. അറ്റോര്‍ണി ജനറലിനെ വിലക്കാനാവില്ല. അറ്റോര്‍ണി ജനറലിനെ നിയമിച്ചത് സുപ്രീംകോടതിയല്ല. ഈ കാര്യത്തില്‍ തീരുമാനമെടുക്കേണ്ടത് കേന്ദ്ര സര്‍ക്കാരാണെന്നും കോടതി വിലയിരുത്തി.