തിരുവനന്തപുരം: ഭൂപതിവ് ചട്ട നിയമം ഭേദഗതി ചെയ്ത് ജൂണ്‍ ഒന്നിന് പുറത്തിറക്കിയ ഉത്തരവ് സര്‍ക്കാര്‍ പിന്‍വലിച്ചു. കൂടുതല്‍ പേര്‍ക്ക് സഹായമാകുമെന്ന ഉദ്ദേശത്തോടെയാണ് ഭേദഗതി ചെയ്ത് ഉത്തരവിറക്കിയത്. എന്നാല്‍ വിഷയം പാര്‍ട്ടിക്കകത്തും പുറത്തും ചര്‍ച്ചയായതിനാലാണ് പിന്‍വലിക്കുന്നതെന്ന് മന്ത്രി പറഞ്ഞു.
കര്‍ഷകര്‍ക്ക് സഹായം കിട്ടുവാന്‍ വേണ്ടിയാണ് നിയമത്തില്‍ ഭേദഗതികള്‍ നടത്തിയത്. പട്ടയം നല്‍കണമെന്ന് വിവിധ സംഘടനകളും രാഷ്ട്രീയ പാര്‍ട്ടി നേതാക്കളും ആവശ്യപ്പെട്ടിരുന്നു. പലരും ഇക്കാര്യം ആവശ്യപ്പെട്ട് മുഖ്യമന്ത്രിയെയും സമീപിച്ചിരുന്നു. മുഖ്യമന്ത്രിയുടെ നേതൃത്വത്തില്‍ വിഷയത്തില്‍ ചര്‍ച്ചകളും നടന്നിരുന്നു. നിയമ വിധേയമായി തന്നെ ജനങ്ങള്‍ക്ക് ഭൂമിയില്‍ അവകാശം നല്‍കണം എന്ന് തന്നെയാണ് തന്‍െറ അഭിപ്രായമെന്നും അടൂര്‍ പ്രകാശ് പറഞ്ഞു.
സംസ്ഥാനത്തെ മലയോരമേഖലയില്‍ സര്‍ക്കാര്‍ ഭൂമിയിലെ പത്ത് വര്‍ഷം പഴക്കമുള്ള കൈയേറ്റങ്ങള്‍ സാധൂകരിച്ച് സര്‍ക്കാര്‍ കഴിഞ്ഞദിവസമാണ് ഉത്തരവിറക്കിയത്. സര്‍ക്കാര്‍ പതിച്ചുനല്‍ക്കുന്ന ഭൂമി 25വര്‍ഷം കഴിഞ്ഞശേഷമേ കൈമാറാവൂയെന്ന വ്യവസ്ഥയും ഭേദഗതി ചെയ്തിട്ടുണ്ടായിരുന്നു. 1964ലെ കേരള ഭൂപതിവ് നിയമവും ചട്ടവുമാണ് ഭേദഗതി ചെയ്തത്. സംസ്ഥാനത്ത് ദൂരവ്യാപക പ്രത്യാഘാതമുണ്ടാക്കുന്നതായിരുന്നു പുതിയ ഭേദഗതി. ഉത്തരവ് കോണ്‍ഗ്രസിനകത്ത് തന്നെ വിവാദമായിരുന്നു. എയും ഉത്തരവിനെതിരെ പരസ്യമായി രംഗത്തത്തെിയിരുന്നു.
വായനക്കാർക്കായി / Recommended for You
അപകടത്തിൽപ്പെട്ട യുവാവിന് രക്ഷകനായി വി ഡി സതീശൻ; പൈലറ്റ് വാഹനത്തിൽ ആശുപത്രിയിലെത്തിച്ചു
കാലിഫോർണിയയിൽ കൊല്ലപ്പെട്ട മലയാളി യുവതികളുടെ മൃതദേഹങ്ങൾ 21ന് നാട്ടിലെത്തിക്കും