ന്യൂഡല്‍ഹി: നാഗാ വിമതരുമായി കേന്ദ്ര സര്‍ക്കാര്‍ സമാധാന കരാറില്‍ ഒപ്പുവെച്ചു. പ്രധാനമന്ത്രിയുടെ വസതിയില്‍ വെച്ച് നരേന്ദ്രമോദിയും നാഗാലിം സോഷ്യലിസ്റ്റ് കൗണ്‍സിലര്‍ തുയ്ങ്കളങ്ക് മൊയ്വയുമാണ് സമാധാന കരാറില്‍ ഒപ്പുവെച്ചത്. കേന്ദ്ര ആഭ്യന്തര മന്ത്രി രാജ്നാഥ് സിങ്, ദേശീയ സുരക്ഷാ ഉപദേഷ്ടാവ് അജിത് ദോവല്‍ എന്നിവരുടെ സാന്നിദ്ധ്യത്തിലാണ് കരാറില്‍ ഒപ്പുവെച്ചത്. ഇതോടെ ആറു പതിറ്റാണ്ട് നീണ്ട പ്രതിസന്ധിക്കാണ് പരിഹാരമായതെന്ന് പ്രധാനമന്ത്രി പ്രതികരിച്ചു.
ഒരുമിപ്പിച്ചു കൊണ്ടുപോകാന്‍ മോദിയുടെ നേതൃത്വത്തിന് കഴിയുമെന്നും മോദിയുടെ രാഷ്ര്ടതന്ത്രജ്ഞത എന്നും തങ്ങള്‍ ഓര്‍ക്കുമെന്നും കരാര്‍ ഒപ്പിട്ട ശേഷം മൊയ്വ പറഞ്ഞു. മഹാത്മാഗാന്ധിയോടും അദ്ദേഹത്തിന്‍്റെ ആശയങ്ങളോടും നാഗാജനതക്ക് വലിയ ആദരവാണുള്ളതെന്നും അദ്ദേഹം കൂട്ടിച്ചേര്‍ത്തു.
30ന് സുപ്രധാന പ്രഖ്യാപനമുണ്ടാകുമെന്ന് മോദി നേരത്തെ ട്വീറ്റ് ചെയ്തിരുന്നു. 1947ല്‍ ഇന്ത്യ ബ്രിട്ടനില്‍ നിന്ന് സ്വതന്ത്ര്യമായതു മുതല്‍ തുടങ്ങിയ പ്രശ്നങ്ങള്‍ക്കാണ് ഇതോടെ പരിഹാരമായിരിക്കുന്നത്. അവിഭക്ത അസം ഇന്ത്യയുടെ ഭാഗമല്ളെന്നായിരുന്നു നാഗാ വിമതരുടെ വാദം. ഇടക്കിടെ നാഗാ തീവ്രവാദികളും ഇന്ത്യന്‍ സൈന്യവും തമ്മില്‍ ഏറ്റുമുട്ടലുകള്‍ പതിവായിരുന്നു. ജൂണില്‍ നാഗാ വിമതരുമായുണ്ടായ ഏറ്റുമുട്ടലില്‍ 18 സൈനികര്‍ കൊല്ലപ്പെട്ടിരുന്നു. ഇതിന് തിരിച്ചടിയായി സൈന്യം -മ്യാന്‍മാര്‍ സൈന്യവുമായി ചേര്‍ന്ന് നടന്ന നീക്കത്തില്‍ നൂറോളം നാഗാ തീവ്രവാദികളെ വധിച്ചിരുന്നു.
വായനക്കാർക്കായി / Recommended for You
അപകടത്തിൽപ്പെട്ട യുവാവിന് രക്ഷകനായി വി ഡി സതീശൻ; പൈലറ്റ് വാഹനത്തിൽ ആശുപത്രിയിലെത്തിച്ചു
കാലിഫോർണിയയിൽ കൊല്ലപ്പെട്ട മലയാളി യുവതികളുടെ മൃതദേഹങ്ങൾ 21ന് നാട്ടിലെത്തിക്കും