കൊല്ലം: വ്യാജ സര്‍ട്ടിഫിക്കറ്റുകള്‍ ആവശ്യക്കാര്‍ക്ക് നല്‍കുന്ന കൊല്ലത്തെ വിദ്യാഭ്യാസ സ്ഥാപന ഉടമയെ പൊലീസ് പിടികൂടി. കൊല്ലം കടപ്പാക്കടയില്‍ മോഡേണ്‍ ഇന്‍സ്റ്റിറ്റ്യൂട്ട് നടത്തുന്ന കൊട്ടാരക്കര കിഴക്കേതെരുവ് സ്വദേശി ജയിംസ് ജോര്‍ജിനെയാണ് (54) കസ്റ്റഡിയിലെടുത്തത്. തൃശൂര്‍ വിയ്യൂര്‍ കൊട്ടേക്കാട് എജുക്കേഷന്‍ കണ്‍സള്‍ട്ടന്‍സി നടത്തുന്ന സീനത്തിനെ വ്യാഴാഴ്ച അറസ്റ്റ് ചെയ്തിരുന്നു. ഇവരെ ചോദ്യംചെയ്തതില്‍നിന്നാണ് സര്‍ട്ടിഫിക്കറ്റുകള്‍ നല്‍കുന്നത് കൊല്ലം മോഡേണ്‍ ഗ്രൂപ്പാണെന്ന് വ്യക്തമായത്. തുടര്‍ന്ന് വ്യാഴാഴ്ച വൈകീട്ടോടെ കൊല്ലത്തെ സ്ഥാപനത്തില്‍ പരിശോധന നടത്തുകയായിരുന്നു.
ഇതരസംസ്ഥാനങ്ങളിലെ സര്‍വകലാശാലകളുടെ വ്യാജ സര്‍ട്ടിഫിക്കറ്റുകള്‍ക്കൊപ്പം മോഡേണ്‍ ഗ്രൂപ് സ്വന്തമായി നല്‍കുന്ന സര്‍ട്ടിഫിക്കറ്റുകളും കണ്ടത്തെി. ബിലാസ്പൂരിലെ ഡോ. വി. ജെ, സിംഗാനിയ എന്നീ സര്‍വകലാശാലകളുടെയും നാഗാലാന്‍ഡ്, സിക്കിം, ചില വിദേശരാജ്യങ്ങള്‍ എന്നിവിടങ്ങളിലെയും സര്‍ട്ടിഫിക്കറ്റുകളുടെ വന്‍ശേഖരം കണ്ടത്തെി. രജിസ്ട്രാറുടെ ഒപ്പ് പല സര്‍ട്ടിഫിക്കറ്റുകളിലും വ്യത്യസ്തമാണ്.
ആവശ്യക്കാര്‍ക്ക് മൂന്നുവര്‍ഷം മുമ്പ് പരീക്ഷയെഴുതിയെന്ന രീതിയിലാണ് വ്യാജ സര്‍ട്ടിഫിക്കറ്റ് നല്‍കുന്നത്. വിദേശ രാജ്യങ്ങളില്‍ തൊഴില്‍ തേടുന്നവരാണ് വന്‍തുക നല്‍കി സര്‍ട്ടിഫിക്കറ്റുകള്‍ വാങ്ങുന്നത്. പലതിലും സ്ഥാപനത്തില്‍വെച്ച് വ്യാജ ഹോളാഗ്രാമും ഒപ്പും പതിച്ചുനല്‍കും. പിടിച്ചെടുത്ത സര്‍ട്ടിഫിക്കറ്റുകളില്‍ ഒപ്പിട്ടവര്‍ ആരാണെന്നും യൂനിവേഴ്സിറ്റികള്‍ നിലവിലുണ്ടോയെന്നും അന്വേഷിക്കുമെന്ന് ഉദ്യോഗസ്ഥര്‍ പറഞ്ഞു.
വായനക്കാർക്കായി / Recommended for You
അപകടത്തിൽപ്പെട്ട യുവാവിന് രക്ഷകനായി വി ഡി സതീശൻ; പൈലറ്റ് വാഹനത്തിൽ ആശുപത്രിയിലെത്തിച്ചു
കാലിഫോർണിയയിൽ കൊല്ലപ്പെട്ട മലയാളി യുവതികളുടെ മൃതദേഹങ്ങൾ 21ന് നാട്ടിലെത്തിക്കും