മെല്‍ബണ്‍: വിക്ടോറിയന്‍ പാര്‍ലമെന്‍റിന് മുന്നില്‍ റീക്ലെയിം ഓസ്ട്രേലിയ മുസ്ലീം വിരുദ്ധ റാലി നടത്തുന്നു. ശനിയാഴ്ച്ച നടത്തുന്ന റാലിക്ക് മറ്റ് പ്രതിഷേധ ഗ്രൂപ്പുകളുടെ കൂടി പിന്തുണ ലഭിച്ചേക്കും. അതേ സമയം എതിര്‍ ഗ്രൂപ്പായ നോ റൂം ഫോര്‍ റേസിസം എതിര്‍ റാലിയ്ക്കും ആഹ്വാനം ചെയ്തു. ഒരേ സ്ഥലത്തും ഒരേ സമയത്തും തന്നെയാണ് ഇരു റാലികളും നടക്കുന്നത്. ഇതോടെ മേഖലയില്‍ സംഘര്‍ഷത്തിനുള്ള സാധ്യത തെളിഞ്ഞു. ഏപ്രിലിയില്‍ നടത്തിയ റാലിയില്‍ ഇരു വിഭാഗവും ഏറ്റുമുട്ടിയിരുന്നു.
ഫെഡറേഷന്‍ സ്ക്വയറില്‍ നടന്ന റാലിയില്‍ തങ്ങളുടെ പിന്തുണക്കാരോട് ഇസ്ലാം വിരുദ്ധ സന്ദേശവുമായി തെരുവിലിറങ്ങാന്‍ റീക്ലെയിം ഓസ്ട്രേലിയ ആഹ്വാനം ചെയ്യുകയായിരുന്നു. അഡ് ലൈഡ്, സിഡ്നി ,ന്യൂകാസില്‍, ബ്രിസ്ബണ്‍, പെര്‍ത്ത് , ഹോബാര്‍ട്ട് മറ്റ് റീജണല്‍ സെന്‍ററുകള്‍ എന്നിവടങ്ങളിലും ശനിയാഴ്ച്ച റാലിക്ക് ആഹ്വാനം ചെയ്തിട്ടുണ്ട് റീ ക്ലെയിം ഓസ്ട്രേലിയ. ഇവരെ കൂടാതെ യൂണൈറ്റഡ് പാട്രിയോട്സ് ഫ്രണ്ടും രംഗത്തുണ്ട്. സംഘര്‍ഷ സാധ്യത തള്ളികളയാന്‍ സാധിക്കുന്നില്ലെന്ന് ഏപ്രിലില്‍ റീക്ലെയിം ഓസ്ട്രേലിയയ്ക്ക് വേണ്ടി റാലി സംഘടിപ്പിച്ച ജെയിംസ് ഗില്‍ഹോം പറയുന്നു. ജെയിംസ് റീക്ലെയിം ഓസ്ട്രേലിയയില്‍ നിന്ന് പിന്നീട് വിട്ട് പോന്നിരുന്നു. യൂണൈറ്റഡ് പട്രിയോട്സ് ഫ്രണ്ട് പ്രശ്നമുണ്ടാക്കാന്‍ സാധ്യതയുണ്ടെന്നാണ് ജെയിംസ് പറയുന്നത്. മൂന്ന് മണിക്കൂറോളം ജെയിംസ് വ്യാഴാഴ്ച്ച മെല്‍ബണ്‍ ഇരുവിഭാഗത്തിലെ പ്രതിഷേധക്കാരുടെ നേതാക്കളുമായി സംസാരിച്ചിരുന്നു.
റീക്ലെയും ഓസ്ട്രേലിയയും നോ റൂം ഫോം ഫോര്‍ റേസിസവും പ്രതിഷേധങ്ങള്‍ സമാധാനപരമായി നടത്താനണ് ഉദ്ദേശിക്കുന്നത്. എന്നാല്‍ യൂണൈറ്റഡ് പാട്രിയോട്സ് ഫ്രണ്ട് ആക്രമം ഉണ്ടാക്കുമെന്ന് ഇരു കൂട്ടരും ഭയപ്പെടുന്നതായും ജെയിംസ് വ്യക്തമാക്കുന്നു. ഓണ്‍ലൈനായി വരുന്ന വീഡിയോകളും പോസ്റ്റുകളും പരസ്പരം പ്രകോപിപ്പിക്കുന്നതാണെന്നും ചൂണ്ടികാണിക്കുന്നു. ഓണ്‍ ലൈന്‍ സന്ദേശങ്ങളില്‍ ജനങ്ങള്‍ ആയുധങ്ങള്‍ കൊണ്ട് വരാനുള്ള സാധ്യതകള്‍ കാണുന്നുണ്ടെന്നും ജെയിംസ് വ്യക്തമാക്കുന്നു.
വായനക്കാർക്കായി / Recommended for You
അപകടത്തിൽപ്പെട്ട യുവാവിന് രക്ഷകനായി വി ഡി സതീശൻ; പൈലറ്റ് വാഹനത്തിൽ ആശുപത്രിയിലെത്തിച്ചു
കാലിഫോർണിയയിൽ കൊല്ലപ്പെട്ട മലയാളി യുവതികളുടെ മൃതദേഹങ്ങൾ 21ന് നാട്ടിലെത്തിക്കും