തീവ്രവാദ പ്രവര്‍ത്തനങ്ങളുമായി ബന്ധപ്പെട്ട് 2017 ന് ഇന്ത്യയില്‍ വെച്ച് അറസ്റ്റിലായ ബ്രിട്ടീഷ് സിഖ് വംശജനായ ജഗ്താര്‍ സിംഗ് ജോഹലിന് ഡെല്‍ഹി കോടതി ജാമ്യം അനുവദിച്ചു. ഖാലിസ്ഥാന്‍ ലിബറേഷന്‍ ഫോഴ്‌സ് എന്ന സംഘടനയ്ക്ക് ധനസഹായം നല്‍കി എന്നതുമായി ബന്ധപ്പെട്ടായിരുന്നു സ്‌കോട്ട്‌ലാന്‍ഡിലെ ജോഹലിനെ അറസ്റ്റ് ചെയ്തത്. പഞ്ചാബില്‍ നിരവധി കൊലപാതകങ്ങളില്‍ പങ്കുള്ള സംഘടനയാണിത്. കോടതിയില്‍ വിചാരണ പല തവണ മാറ്റിവെച്ചിരുന്നു. കഴിഞ്ഞ വര്‍ഷം ഗൂഢാലോചന കുറ്റങ്ങള്‍ പഞ്ചാബിലെ ഒരു കോടതി തള്ളിക്കളഞ്ഞിരുന്നു.
തടവിലിരുന്ന് വിചാരണ നേരിടുന്ന സമയത്ത് തെളിവുകള്‍ ഹാജരാക്കാന്‍ പ്രോസിക്യൂഷന്‍ പരാജയപ്പെട്ടതിനാലായിരുന്നു വിചാരണ തുടര്‍ച്ചയായി നീട്ടിവെച്ചതെന്ന് ബ്രിട്ടീഷ് മാധ്യമങ്ങള്‍ ആരോപിക്കുന്നു. 2017 അവസാനത്തോടെ തന്റെ പ്രതിശ്രുത വധുവിനെ വിവാഹം കഴിക്കുന്നതിനായിരുന്നു ഇപ്പോള്‍ 39 വയസ്സുള്ള ജോഹല്‍ ഇന്ത്യയിലെത്തുന്നത്. വിവാഹം കഴിഞ്ഞ് മൂന്നാഴ്ച്ച കഴിഞ്ഞപ്പോള്‍ ഒരു ബന്ധുവിനോടൊപ്പം ജലന്ധറില്‍ ഷോപ്പിംഗ് നടത്തുന്നതിനിടയിലായിരുന്നു ഒരു സംഘം ആളുകള്‍ അയാളെ പിടികൂടുന്നത്.
അഭിഭാഷകനുമായി ബന്ധപ്പെടാന്‍ അനുവദിച്ചില്ലെന്നും, കുറ്റസമ്മതം എഴുതിവാങ്ങുന്നതിനായി തന്നെ മര്‍ദ്ധിച്ചുവെന്നും ജോഹാല്‍ പറയുന്നു. എന്നാല്‍, ബ്രിട്ടീഷ് ഇന്റലിജന്‍സ് നല്‍കിയ രഹസ്യ വിവരത്തിന്റെ അടിസ്ഥാനത്തിലാണ് ഇയാളെ അറസ്റ്റ് ചെയ്തതെന്ന റിപ്പോര്‍ട്ടുകളും പുറത്തുവന്നിരുന്നു. കഴിഞ്ഞ രണ്ടു വര്‍ഷക്കാലമായി കീഴ്‌ക്കോടതി മുതല്‍ സുപ്രീം കോടതി വരെ കേറിയിറങ്ങുകയായിരുന്നെന്നും ഇപ്പോഴത്തെ വിധിയില്‍ സംതൃപ്തിയുണ്ടെന്നും ജോഹലിന്റെ സഹോദരന്‍ പറയുന്നു.
വായനക്കാർക്കായി / Recommended for You
ഡല്‍ഹിയില്‍ വിവാഹനിശ്ചയം കഴിഞ്ഞ യുവാവിനെ മുന്‍ സഹപ്രവര്‍ത്തകയും ഭര്‍ത്താവും ചേര്‍ന്ന് വെടിവെച്ചുകൊന്നു: മൃതദേഹവുമായി കാറില്‍ കറങ്ങി ഡ്രെയിനേജില്‍ തള്ളി; കൊലപാതകവിവരം മറച്ചുവെക്കാന്‍ മൊബൈലില്‍ നിന്ന് സന്ദേശങ്ങളയച്ചു; കൊലയ്ക്ക് പിന്നില്‍ സാമ്പത്തിക തര്‍ക്കങ്ങള്‍
സൗത്ത് ഇന്ത്യന്‍ ബാങ്ക് നവീകരിച്ച മെയിന്‍ ബ്രാഞ്ച് ഉദ്ഘാടനം ചെയ്തു.