Kerala

തൃണമൂല്‍ തര്‍ക്കം: മമത വിഭാഗത്തിന് ഫുട്‌ബോള്‍ താരം, വിമതര്‍ക്ക് കവറിന്റെ ചിഹ്നം

തൃണമൂല്‍ തര്‍ക്കം: മമത വിഭാഗത്തിന് ഫുട്‌ബോള്‍ താരം, വിമതര്‍ക്ക് കവറിന്റെ ചിഹ്നം ന്യൂഡല്‍ഹി: തൃണമൂല്‍ കോണ്‍ഗ്രസിലെ ആഭ്യന്തര തര്‍ക്കത്തെ തുടര്‍ന്ന് ഇരുവിഭാഗങ്ങള്‍ക്കും പുതിയ പേരും തെരഞ്ഞെടുപ്പ് ചിഹ്നവും അനുവദിച്ച് തെരഞ്ഞെടുപ്പ് കമ്മീഷന്‍.

24NEWSLIVE NewsroommlSep 18, 2026, 03:27 p.m.👁 0 views

Text size

Reading theme

തൃണമൂല്‍ തര്‍ക്കം: മമത വിഭാഗത്തിന് ഫുട്‌ബോള്‍ താരം, വിമതര്‍ക്ക് കവറിന്റെ ചിഹ്നം

ന്യൂഡല്‍ഹി: തൃണമൂല്‍ കോണ്‍ഗ്രസിലെ ആഭ്യന്തര തര്‍ക്കത്തെ തുടര്‍ന്ന് ഇരുവിഭാഗങ്ങള്‍ക്കും പുതിയ പേരും തെരഞ്ഞെടുപ്പ് ചിഹ്നവും അനുവദിച്ച് തെരഞ്ഞെടുപ്പ് കമ്മീഷന്‍. മമത ബാനര്‍ജി വിഭാഗത്തിന് 'മമത ഓള്‍ ഇന്ത്യ തൃണമൂല്‍ കോണ്‍ഗ്രസ്' എന്ന പേരും ഫുട്‌ബോള്‍ താരം ചിഹ്നവും അനുവദിച്ചു. അരൂപ് റോയ് നേതൃത്വം നല്‍കുന്ന വിഭാഗത്തിന് 'ഡെമോക്രാറ്റിക് തൃണമൂല്‍ കോണ്‍ഗ്രസ്' എന്ന പേരും കവര്‍ ചിഹ്നവുമാണ് അനുവദിച്ചത്. അന്തിമ തീരുമാനം വരുന്നതുവരെ ഈ ക്രമീകരണം തുടരും.

തൃണമൂല്‍ കോണ്‍ഗ്രസിന്റെ യഥാര്‍ഥ പേരും 'പൂവും പുല്ലും' ചിഹ്നവും ഉപയോഗിക്കുന്നതില്‍ നിന്ന് മമത ബാനര്‍ജിയുടെയും അരൂപ് റോയിയുടെയും നേതൃത്വത്തിലുള്ള വിഭാഗങ്ങളെ സെപ്റ്റംബര്‍ 17ന് കമ്മീഷന്‍ വിലക്കിയിരുന്നു. ഒക്ടോബര്‍ ആറിന് നടക്കാനിരിക്കുന്ന പശ്ചിമ ബംഗാളിലെ നന്ദിഗ്രാം, റെജിനഗര്‍ നിയമസഭാ ഉപതിരഞ്ഞെടുപ്പുകളുടെ പശ്ചാത്തലത്തിലായിരുന്നു നടപടി. ഇരുവിഭാഗങ്ങളും തങ്ങളുടേതായ പുതിയ പേരുകളും സ്വതന്ത്ര ചിഹ്നങ്ങളും തിരഞ്ഞെടുക്കണമെന്ന് കമ്മീഷന്‍ നിര്‍ദേശിച്ചിരുന്നു.

വായനക്കാർക്കായി / Recommended for You

→ ശശിധരൻ കർത്തയുടെ ഡയറിയിലെ പേരുവിവരങ്ങൾ പുറത്തുവിട്ട് ഷോൺ ജോർജ്; ഡയറിയിൽ LDF,UDF നേതാക്കളുടെ പേരുകൾ → ഗുണ്ടൽപേട്ടിൽ വാഹനാപകടം; മലയാളി യുവതി മരിച്ചു → മുഖ്യമന്ത്രി പിണറായി വിജയനെ ലക്ഷ്യമിട്ടാണ് എഫോഴ്‌സ്‌മെന്റ് ഡയറക്ടറേറ്റിന്റെ (ഇഡി) കേസെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദൻ

വെള്ളിയാഴ്ച രാവിലെ 11 മണിയായിരുന്നു പേരുകളും ചിഹ്നങ്ങളും സംബന്ധിച്ച നിര്‍ദേശങ്ങള്‍ സമര്‍പ്പിക്കാനുള്ള സമയപരിധി. മമത വിഭാഗം പുതിയ പേരിനൊപ്പം ഫുട്‌ബോള്‍ താരത്തിന്റെ ചിഹ്നമാണ് പ്രധാനമായി ആവശ്യപ്പെട്ടത്. ക്രിക്കറ്റ് ബാറ്റും ബദല്‍ ചിഹ്നമായി നിര്‍ദേശിച്ചിരുന്നു. അരൂപ് റോയ് വിഭാഗം 'തൃണമൂല്‍' എന്ന പേര് നിലനിര്‍ത്തുന്ന തരത്തിലുള്ള പേരിനാണ് മുന്‍ഗണന നല്‍കിയത്.

പാര്‍ട്ടി പേരും ചിഹ്നവും സംബന്ധിച്ച അന്തിമ അവകാശത്തര്‍ക്കം പിന്നീട് കമ്മീഷന്‍ പരിഗണിക്കും. നിലവിലെ തീരുമാനം ഉപതെരഞ്ഞെടുപ്പുകള്‍ മുന്നില്‍ കണ്ടുള്ള ഇടക്കാല ക്രമീകരണമാണെന്ന് കമ്മീഷന്‍ വ്യക്തമാക്കിയിട്ടുണ്ട്.

തൃണമൂല്‍ കോണ്‍ഗ്രസിന്റെ 'പൂവും പുല്ലും' ചിഹ്നം മമത ബാനര്‍ജിയുടെ രാഷ്ട്രീയ യാത്രയുമായി ഏറെക്കാലമായി ബന്ധപ്പെട്ടതാണ്. 1998 ജനുവരി ഒന്നിന് തൃണമൂല്‍ കോണ്‍ഗ്രസ് രൂപീകരിച്ചതിന് പിന്നാലെ പാര്‍ട്ടിയുടെ പ്രധാന തിരിച്ചറിയലായി ഈ ചിഹ്നം മാറുകയായിരുന്നു.