നാടകവേദിയിലെ അഞ്ച് പതിറ്റാണ്ടോളം നീണ്ട അഭിനയജീവിതത്തിലൂടെ ശ്രദ്ധേയയായ നടി സാവിത്രി ശ്രീധരൻ അന്തരിച്ചു. വാർധക്യസഹജമായ അസുഖങ്ങളെ തുടർന്ന് കോഴിക്കോട് മാങ്കാവിലെ വീട്ടിൽ ദീർഘകാലമായി കിടപ്പിലായിരുന്നു. ‘സുഡാനി ഫ്രം നൈജീരിയ’യിലെ ജമീല എന്ന കഥാപാത്രത്തിലൂടെ സിനിമാപ്രേക്ഷകരുടെ ഹൃദയത്തിൽ ഇടം നേടിയ സാവിത്രിക്ക് മികച്ച സ്വഭാവനടിക്കുള്ള സംസ്ഥാന ചലച്ചിത്ര പുരസ്കാരവും ദേശീയ ചലച്ചിത്ര പുരസ്കാരത്തിൽ പ്രത്യേക ജൂറി പരാമർശവും ലഭിച്ചിരുന്നു.
സിനിമയിലെത്തുന്നതിന് പതിറ്റാണ്ടുകൾക്ക് മുമ്പേ സാവിത്രി നാടകവേദിയിലെ ശ്രദ്ധേയ സാന്നിധ്യമായിരുന്നു. 1961ൽ ‘കറുത്ത വെളിച്ചം’ എന്ന നാടകത്തിലൂടെയാണ് അഭിനയരംഗത്തേക്ക് എത്തിയത്. മാങ്കാവ്, തിരുവണ്ണൂർ, മീഞ്ചന്ത എന്നിവിടങ്ങളിലെ അമച്വർ നാടകസംഘങ്ങളിലൂടെയായിരുന്നു തുടക്കം. ആഹ്വാൻ സെബാസ്റ്റ്യന്റെ ‘വഴിയമ്പലം’ നാടകത്തിലൂടെയാണ് സജീവ നാടകപ്രവർത്തകയായി മാറിയത്. ടി. ടി. വാസുദേവൻ നായർ, തിക്കോടിയൻ, ടി. ദാമോദരൻ എന്നിവർ ചേർന്ന് എഴുതിയ നാടകമായിരുന്നു ‘വഴിയമ്പലം’.
ടി. മുഹമ്മദിന്റെ കലിംഗ തിയറ്റേഴ്സിന്റെ ‘ഇതു ഭൂമിയാണ്’ എന്ന നാടകത്തിലൂടെയാണ് സാവിത്രി പ്രഫഷനൽ നാടകവേദിയിലെത്തുന്നത്. തുടർന്ന് ‘കാഫർ’, ‘സൃഷ്ടി’, ‘ദീപസ്തംഭം മഹാശ്ചര്യം’, ‘അച്ഛനും ബാപ്പയും’, ‘സാക്ഷാത്കാരം’, ‘കുചേലവൃത്തം’, ‘സമന്വയം’ തുടങ്ങിയ നിരവധി നാടകങ്ങളിൽ ശ്രദ്ധേയ വേഷങ്ങൾ ചെയ്തു. പിന്നീട് സംഗമം തിയറ്റേഴ്സ്, ചിരന്തന തിയറ്റേഴ്സ്, സ്റ്റേജ് ഇന്ത്യ തുടങ്ങിയ പ്രമുഖ നാടകസംഘങ്ങളുടെയും ഭാഗമായിരുന്നു. ‘രാജസഭ’യിലെ ഐഷക്കുട്ടി എന്ന കഥാപാത്രത്തിന് 1993ൽ മികച്ച നാടക നടിക്കുള്ള സംസ്ഥാന പുരസ്കാരം ലഭിച്ചു. ‘അണിയറ’യിലെ അഭിനയത്തിന് സംഗീത നാടക അക്കാദമി പുരസ്കാരവും ലഭിച്ചിട്ടുണ്ട്.
വായനക്കാർക്കായി / Recommended for You
ബംഗാളില്‍ ഭരണം പിടിക്കാന്‍ ബി ജെ പി ചെലവഴിച്ചത് 286 കോടി രൂപ
വിനു മോഹനും വിദ്യ മോഹനും വേർപിരിയുന്നു? പ്രചരിച്ചത് വ്യാജവാർത്ത; പ്രതികരിച്ച് താരദമ്പതികൾ
വെറുതെ ഇങ്ങനെ ഒരാൾ ഇറങ്ങി പുറപ്പെടില്ല, അവർക്ക് ഇയാളോട് പ്രണയം ആണെന്ന് വരുത്തി തീർക്കാൻ നോക്കുകയാണ്
50 സെന്റ് ഭൂമിയും സ്വര്‍ണവും തട്ടിയെടുത്തു’; സഹോദരിയുടെ ആരോപണം തള്ളി അംബിക
ഹോളിവുഡ് ജീവനക്കാർക്കായി എഐ പരിശീലന പദ്ധതി: കാലിഫോർണിയയിൽ പുതിയ നിയമം ഒപ്പുവെച്ചു
മാനനഷ്ട കേസുമായി മഞ്ജു വാര്യര്‍; സനല്‍ കുമാര്‍ ശശിധരനെതിരെ എറണാകുളം മുന്‍സിഫ് കോടതിയില്‍ ഹര്‍ജി