'AI അല്ല, ഇനി SI-സൂപ്പര്‍ ഇന്റലിജന്‍സ്'; പുതിയ പേര് നിര്‍ദേശിച്ച് ഡോണള്‍ഡ് ട്രംപ്
ന്യൂയോര്‍ക്ക്: ആര്‍ട്ടിഫിഷ്യല്‍ ഇന്റലിജന്‍സ് ഇനി 'സൂപ്പര്‍ ഇന്റലിജന്‍സ്' എന്ന് അറിയപ്പെടുമെന്ന് ഡോണള്‍ഡ് ട്രംപ്. ആര്‍ട്ടിഫിഷ്യല്‍ എന്ന വാക്ക് ഉപയോഗിക്കുമ്പോള്‍ ഇത് കൃത്രിമമാണെന്ന തോന്നലുണ്ടാവുന്നു. എന്നാല്‍ ഇത് കൃത്രിമമല്ല, യഥാര്‍ഥത്തില്‍ അതിശയകരമാണ്. എന്നാല്‍ നമ്മള്‍ ജാഗ്രത പാലിക്കണമെന്നും ട്രംപ് പറഞ്ഞു. തുടര്‍ന്ന് 'സൂപ്പര്‍ ഇന്റലിജന്‍സിന്റെ പുതിയ ലോകത്തിലേക്ക് സ്വാഗതം എസ്‌ഐ' എന്നും അദ്ദേഹം കൂട്ടിച്ചേര്‍ത്തു. ഐക്യരാഷ്ട്ര സഭയുടെ പൊതുസഭയെ അഭിസംബോധന ചെയ്ത് സംസാരിക്കവെയാണ് ട്രംപിന്റെ പ്രതികരണം.
എന്നാല്‍ ഇവിടെ ചര്‍ച്ച നടത്തുന്ന പലരുടെയും നിലപാടുകളുമായി ഇത് വ്യത്യസ്തമാണെന്നും അദ്ദേഹം പറഞ്ഞു. എഐ അതിവേഗം വികസിച്ചുകൊണ്ടിരിക്കുമ്പോള്‍ നയതന്ത്ര ചര്‍ച്ചകളിലും അതിനൊപ്പം മുന്നേറാന്‍ കഴിയുമോ എന്നും അദ്ദേഹം ചോദിച്ചു. ആര്‍ട്ടിഫിഷ്യല്‍ ഇന്റലിജന്‍സില്‍ ആധിപത്യം നേടുന്നവര്‍ക്കാണ് വിജയമെന്നും ട്രംപ് നേരത്തെ അഭിപ്രായപ്പെട്ടിരുന്നു. എഐക്ക് നിയന്ത്രണങ്ങള്‍ ഏര്‍പ്പെടുത്തുന്നതിനോടും അദ്ദേഹം ശക്തമായ എതിര്‍പ്പ് പ്രകടിപ്പിച്ചിട്ടുണ്ട്. നേരത്തെ ഹോര്‍മൂസ് കടലിടുക്കിന് ട്രംപ് സ്‌ട്രെയിറ്റ് എന്ന പേര് നല്‍കാമെന്ന നിര്‍ദേശവുമായി ട്രംപ് മുന്നോട്ട് വന്നിരുന്നു.
വായനക്കാർക്കായി / Recommended for You
പ്രധാനപ്പെട്ട ചില ടെക്നോളജി വാർത്താ വെബ്‌സൈറ്റുകളും മാഗസിനുകളും താഴെ പറയുന്നവയാണ്:
കേരള IT കയറ്റുമതി ₹50,000 കോടി നാഴികക്കല്ല് മറി കടന്നു
ബാംഗ്‌ളൂരിൽ ഗൂഗിൾ AI ഗവേഷണ കേന്ദ്രം ഉദ്ഘാടനം
എഐ ഓട്ടത്തിന് ബ്രേക്ക് വേണം; മുന്നറിയിപ്പുമായി മുൻ ഓപ്പൺഎഐ-ആന്ത്രോപിക് ഗവേഷകൻ
വിദേശ നിര്‍മിത ഹ്യൂമനോയ്ഡ് റോബോട്ടുകളുടെ ഇറക്കുമതിക്ക് ട്രംപ് ഭരണകൂടത്തിന്റെ വിലക്ക്
ഭയപ്പെടുത്തുന്ന' റോബോട്ട് എ ഐ? ഓപ്പണ്‍എഐയുടെ പരീക്ഷണ എ ഐ ഏജന്റ് മറ്റൊരു ടെക് കമ്പനിയുടെ ഉപഭോക്താവിനെയും ആക്രമിച്ചതായി റിപ്പോര്‍ട്ട്