സ്വര്‍ണവില പിന്നെയും താഴോട്ട്.

അമേരിക്കന്‍ ബാങ്കുകള്‍ പലിശനിരക്ക് വര്‍ധിപ്പിക്കാന്‍ സാധ്യതയുണ്ടെന്ന പ്രവചനമാണ് ഡോളറിലേക്ക് നിക്ഷേപം വര്‍ധിക്കാന്‍ കാരണമെന്ന് ചൂണ്ടിക്കാണിക്കപ്പെടുന്നു.

ശനിയാഴ്ച ഗ്രീസ് അധികൃതര്‍ യൂറോപ്യന്‍ യൂനിയന്‍ അധികൃതരുമായി ചര്‍ച്ച നടത്തുന്നുണ്ട്. ഗ്രീസ് ചില പദ്ധതികളും മുന്നോട്ടുവെക്കുന്നുണ്ട്. ചര്‍ച്ച വിജയിച്ചാല്‍ സ്വര്‍ണവില പഴയതുപോലെ മേലോട്ടുയരും. ചര്‍ച്ച പരാജയപ്പെടുകയാണെങ്കില്‍ ലോക സാമ്പത്തിക വ്യവസ്ഥ തന്നെ ചാഞ്ചാടും. ചര്‍ച്ച പരാജയപ്പെടുന്നത് സ്വര്‍ണവില ഇനിയും കുറയാന്‍ കാരണമാക്കും. നിലവില്‍ സ്വര്‍ണവില പ്രവചിക്കാന്‍ പറ്റാത്ത അവസ്ഥയാണുള്ളത്.

ചൈനയിലെ സാമ്പത്തിക പ്രശ്നങ്ങളും ഏഷ്യന്‍ രാജ്യങ്ങളുടെ സാമ്പത്തിക വ്യവസ്ഥയെ ബാധിക്കുന്നുണ്ട്. അതിനിടെ സ്വര്‍ണവില കുറയുന്നത് ജ്വല്ലറികളില്‍ തിരക്ക് വര്‍ധിപ്പിക്കാന്‍ കാരണമാക്കിയിട്ടുണ്ട്. ഗ്രീസ് പ്രശ്നമാണ് സ്വര്‍ണവില കുറയാന്‍ കാരണമെന്ന് ദുബൈ ഗോള്‍ഡ് മാനേജിങ് ഡയറക്ടര്‍ ബെന്‍സീര്‍ ‘ഗള്‍ഫ് മാധ്യമ’ത്തോട് പറഞ്ഞു. വില കുറഞ്ഞതോടെ കച്ചവട സ്ഥപനത്തില്‍ വന്‍തിരക്ക് അനുഭവപ്പെടുന്നതായും അദ്ദേഹം പറഞ്ഞു. നിലവില്‍ സ്വര്‍ണവിലയുടെ ഉയര്‍ച്ച താഴ്ച പ്രവചിക്കാന്‍ പറ്റാത്ത അവസ്ഥയാണെന്നും അദ്ദേഹം പറഞ്ഞു. ഉപഭോക്താക്കള്‍ക്ക് സ്വര്‍ണം വാങ്ങാന്‍ എറ്റവും പറ്റിയ അവസരമാണിതെന്ന് മലബാര്‍ ഗോള്‍ഡ് ജനറല്‍ മാനേജര്‍ നജീബ് പറഞ്ഞു. വിലകുറയുമ്പോഴാണ് തങ്ങളുടെ സ്ഥാപനത്തില്‍ ഏറ്റവും കൂടുതല്‍ തിരക്കനുഭവപ്പെടുന്നത്. ഇതേ നിരക്ക് തുടരാനാണ് സാധ്യത. സ്വര്‍ണവില കുറയുന്നത് സ്വര്‍ണ വ്യാപാരരംഗത്ത് ആശങ്കയുണ്ടാക്കുന്നില്ല. നിലവിലുള്ള അവസ്ഥ എവിടെയത്തെുന്നുവെന്ന് നിരീക്ഷിക്കുകയാണെന്നും അദ്ദേഹം പറഞ്ഞു.