വൈസ് ചാന്‍സലറോട് അവധിയില്‍ പ്രവേശിക്കാന്‍ കേന്ദ്ര നിര്‍ദേശം

പുതുച്ചേരി: പോണ്ടിച്ചേരി സര്‍വകലാശാലയില്‍ തുടരുന്ന വിദ്യാര്‍ഥി പ്രക്ഷോഭത്തിന്‍െറ പശ്ചാത്തലത്തില്‍ വൈസ് ചാന്‍സലറോട് അവധിയില്‍ പ്രവേശിക്കാന്‍ കേന്ദ്ര നിര്‍ദേശം. കേന്ദ്ര മാനവവിഭവ ശേഷി മന്ത്രാലയമാണ് അവധിയില്‍ പ്രവേശിക്കാന്‍ ആദ്യ വനിതാചാന്‍സലര്‍ കൂടിയായ ചന്ദ്ര കൃഷ്ണമൂര്‍ത്തിയോട് ആവശ്യപ്പെട്ടത്. വൈസ് ചാന്‍സലറെ മാറ്റണമെന്ന് ആവശ്യപ്പെട്ട് ജൂണ് 27 മുതല്‍ വിദ്യാര്‍ഥികള്‍ പ്രക്ഷോഭം നടത്തിവരികയാണ്. വിഷയം പരിഹരിക്കുന്നതിനായി മന്ത്രാലയം രണ്ടംഗ സംഘത്തെ വിദ്യാര്‍ഥി നേതാക്കളുമായി ചര്‍ച്ച നടത്താന്‍ നിയോഗിച്ചിരുന്നു. സര്‍വകലാശാലയുടെ 31 വര്‍ഷത്തെ ചരിത്രത്തില്‍ ആദ്യമായാണ് ഒരു വൈസ് ചാന്‍സലറോട് അവധിയില്‍ പ്രവേശിക്കാന്‍ ആവശ്യപ്പെടുന്നത്.