നിവിന്‍ പോളിയും സുദേവ് നായരും മികച്ച നടന്‍മാര്‍ , നസ്റിയ നടി ഒറ്റാല്‍ മികച്ച ചിത്രം

തിരുവനന്തപുരം: 2014ലെ ചലച്ചിത്ര പുരസ്കാരങ്ങള്‍ പ്രഖ്യാപിച്ചു. മികച്ച സിനിമയായി ജയരാജ് സംവിധാനം ചെയ്ത 'ഒറ്റാല്‍' തെരഞ്ഞെടുത്തു. നിവിന്‍ പോളിയും സുദേവ് നായരും മികച്ച നടനുള്ള പുരസ്കാരം പങ്കിട്ടു. നസ്രിയ നസീമാണ് മികച്ച നടി. സനല്‍കുമാര്‍ ശശിധരനാണ് (ഒരാള്‍പൊക്കം) മികച്ച സംവിധായകന്‍. '1983, ബാംഗ്ളൂര്‍ ഡെയ്സ്'എന്നീ ചിത്രങ്ങളിലെ അഭിനയത്തിന് നിവിന്‍പോളിയും 'മൈ ലൈഫ് പാര്‍ട്ണര്‍' എന്ന ചിത്രത്തിലെ അഭിനയത്തിന് സുദേവ് നായരും മികച്ച നടനുള്ള പുരസ്കാരം പങ്കിട്ടു. ഓം ശാന്തി ഓശാന, ബാംഗ്ളൂര്‍ ഡെയ്സ് എന്നീ ചിത്രങ്ങളിലെ അഭിനയത്തിനാണ് നസ്രിയ മികച്ച നടിയായത്. ജയരാജ് സംവിധാനം ചെയ്ത് 2015ല്‍ പുറത്തിറങ്ങാനിരിക്കുന്ന ഒരു മലയാള ചലച്ചിത്രമാണ് ഒറ്റാല്‍. 2014-ലെ ദേശീയ ചലച്ചിത്ര പുരസ്കാരങ്ങളില്‍ മികച്ച പരിസ്ഥിതി ചിത്രത്തിനുള്ള പുരസ്കാരവും, മികച്ച അവലംബിത തിരക്കഥക്കുള്ള പുരസ്കാരവും ഈ ചിത്രത്തിനു ലഭിച്ചിരുന്നു. ആന്‍്റണ്‍ ചെക്കൊവിന്‍റെ ‘വാങ്കാ’ എന്ന ചെറുകഥയുടെ ചലച്ചിത്രാവിഷ്കാരമാണ് ഈ ചിത്രം.