അനധികൃതമായി മദ്യം കൈവശം വെച്ച കേസ്: ആന്റോ അഗസ്റ്റിൻ്റെ ജാമ്യാപേക്ഷ തള്ളി, ജയിലില്‍ തുടരും

75 ലിറ്റർ വ്യാജമദ്യമാണ് പിടിച്ചെടുത്തതെന്നാണ് എക്സൈസ് അധികൃതരുടെ കണ്ടെത്തൽ. നിലവിൽ മാനന്തവാടി ജില്ലാ ജയിലിലാണ് അദ്ദേഹമുള്ളത്. 14 ദിവസത്തേക്കാണ് കോടതി നേരത്തെ റിമാൻഡ് ചെയ്തിരുന്നത്.

അതിനിടെ, പ്രതിയെ കസ്റ്റഡിയിൽ വാങ്ങി കൂടുതൽ ചോദ്യം ചെയ്യാനുള്ള നീക്കത്തിലാണ് എക്സൈസ് സംഘം. ഇതിനായുള്ള കസ്റ്റഡി അപേക്ഷ ഇന്ന് ബത്തേരി കോടതിയിൽ സമർപ്പിക്കും.