റോയൽ എൻഫീൽഡിനെ നേരിടാൻ ട്രയംഫിന്‍റെ പുതിയ ബൈക്ക് വരുന്നു

രാജ്യത്തെ ബൈക്ക് പ്രേമികൾക്ക് സന്തോഷവാർത്ത. ട്രയംഫ് മോട്ടോർസൈക്കിൾസ് പുതിയ ബോണവില്ലെ 400 ഇന്ത്യൻ വിപണിയിൽ അവതരിപ്പിക്കാനൊരുങ്ങുന്നതായി റിപ്പോർട്ട്. 2026 ദീപാവലിക്ക് മുമ്പ് തന്നെ ബൈക്ക് വിപണിയിലെത്തുമെന്നാണ് പ്രതീക്ഷിക്കുന്നത്. ട്രയംഫിന്റെ നിലവിലെ 400 സിസി ശ്രേണിയിലെ മറ്റ് മോഡലുകളെപ്പോലെ പുതിയ ബൈക്കും പൂനെയിലെ ബജാജ് ഓട്ടോ പ്ലാന്റിലാകും നിർമ്മിക്കുക. പ്രാദേശികമായി നിർമ്മിക്കുന്നതിലൂടെ വില മത്സരാധിഷ്ഠിതമായി നിലനിർത്താനും റെട്രോ രൂപകൽപ്പന ഇഷ്ടപ്പെടുന്ന കൂടുതൽ ഉപഭോക്താക്കളിലേക്ക് എത്താനും കമ്പനിക്ക് സാധിച്ചേക്കും.